حاول الإعلامي عمرو أديب، إقناع محمد حسن مبارك شقيق منفذ تفجير الكنيسة المرقسية بالإسكندرية، الحديث عن جريمة شقيقه. وقال "أديب"، خلال تقديمه برنامج "كل يوم"، المذاع علي فضائية "on-e"، اليوم الأربعاء،: "انت بتعيط ليه ده أخوك اللي فجر مش أنت..أنت خايف من أيه وأيه اللي مزعلك فيه حد هيضايقك في البلد !!"، متابعا:"قولي أنت خايف من أيه وإحنا نساعدك ولازم نقف جمبك وأنت خايف ليه من الاشراف"، ليرد عليه شقيقه وهو يبكي:" ده أخويا وأنا كنت مفروض أربيه وأنا خايف من الأشراف يؤذوني والأشراف عائلة واحدة وهما هيزعلوا مني علشان ده أخويا..منك لله يامحمود..إحنا عيلة واحدة ولو واحد انحرف كل العيلة بتقاطعه احنا في مصيبة وانا تعبان وهيغمي عليا ومش قادر اسمع الخبر ده ". وتابع "أديب" في حديثه لشقيق منفذ التفجير: "أنت مفروض تاخد بالك من بنات أخوك.ومتخافش من الأشراف...وهو مات أنت هتدفع تمنه ليه ؟؟ متخافش وإحنا لازم نقول للناس أنك ملكش ذنب..رد عليا أنت ذنبك أيه خايف من أيه ". ليرد عليه شقيق المتهم: "إحنا طالعين من ثأر وده جاي يعمل مصيبة وأنا شوفت أخويا من 4 شهور ". 
شاهد المحتوى الأصلي علي بوابة الفجر الاليكترونية
تعليقات
إرسال تعليق